Enkontru Entrega Dadus LiDAR ba MPIE

Enkontru Entrega Dadus LiDAR ba MPIE

Data, 11 de Maio 2016

Minutes of meeting

Iha sorumutu ida nee koalia kona ba oinsa atu entrega dadus LiDAR ba Ministerio Planeamnetu Estrategiku e Investimentu. Sr. Pedro lay neebe maka inome de MPIE sai responsabeliza dadus LiDAR la marka prezensa ho razaun la simu karta konvite. No iha topiku rua neebe sai hanesan Issue ida ba Sr. Pedro lay mak hanesan:

a.       Presija halo mapa ida ba Timor Leste tomak atu nune ministerio bele uja hodi halo planu nasional nian., atu hatan peokupasaun ida nee Konsultan KARVAK prontu atu halo mapa timor tomak nian maibe ho nia resolusaun neebe kiik.

b.      Kona ba Toponomia (Naran fatin ou Objectu)., hatan ba prekupasaun ida nee, hanesan hakerek ona iha ToR nia laran la koalia kona toponomia ba projectu mapeamentu LiDAR ida nee. Maske laiha iha kontratu laran maibe Kompanha KARVAK halo ona Servisu toponomia nia too iha nivel sucos neebe maka ajuda husi kolegas timor oan sira neebe durante nee servisu hamutuk.

Iha  hasoru malu ida nee vice Ministru finacas Sr. Helder Lopes koalia mos kona ba transfer knowledge no transfer staff neebe maka halao ona husi Ministerio das Obras Publicas neebe transfere ona nia staff ba iha Sr. Pedro Lay nia Officina. Maibe ho razaun staff neebe kontratadu la kontinua neebe maka uluk tuir programa Transfer Knowledge neebe halao husi Kosultan KARVAK la halo tranferencia ba MPIE.

Bazei ba tranferensia dadus neebe maka adia too agora, Vice Ministru Financas mos sujere atu IPG presija prepara ona karta ida hodi entrega dadus LiDAR ba Ministerio MPIE neebe maka nain ba dadus nee. Atu nune dadus hirak nee labele mantein nafatin iha IPG nomos dadus hirak nee bele uja ona ba planu nasional governu nian.

Dadus LiDAR ida nee preasija supply ona ba instituto sira seluk atu nune bele uja ba interese national. Vise Ministru Helder Lopes hatete katak dadus LiDAR so bele entrega deit ba instituto guvernu ou autoridade  deit labele entrega ba instituto privado ou Konpanha, dadus hirak neebe maka entrega ba instituto publico mos entrega deit rejultadu dadus atu nune intituisaun seluk labele manipula fali dadus hirak nee. Iha parte seluk Presidente IPG Helio C. Guterres heteten katak dadus DEM no DTM labele entrega ba intituisaun sira seluk tamba dadus DEM no DTM sei iha possibilidade atu manipula.

Enkotru ida nee hetan partisipasaun husi Vise Ministru Finansas, Sr. Helder Lopes; Presidente IPG, Helio Casimiro Guterres; Dir GeoInfo IPG, Sr. Osorio Xavier da Costa; CNA, Nelson dos santos; MAP, Raimundo Mau; AND Valentina V. Correia no Cella Noronha; Kompaha KARVAK, Pak Azis, no Pak Echa.

Konklusaun

Topiku inprtante nebe maka hetan  husi  hasoru malu ida nee maka hanesan:

  1.      Kompanha KARVAK prontu atu halo mapa Minicipo ida-ida, Postu Adminstrativo no sucos atu hatan ba prekupasaun husi Sr. Pedro Lay.

  2.      Kompanha Karvak Mos Prontu ona atu halo Mapa  timor-leste tomak ba Surat tahan  A0 hodi uja Visualisasi iha Ministerio MPIE.

  3.      Kompanha KARVAK prontu atu halo mapa  sucos iha timor laran tomak mai ho notabene katak Linha ou balisa sucos nebe iha teritorio timor sidauk determina lolos.

  4.      Sujere ba Kompanhia KARVAK atu halo treinamentu ba ekipa Tekniku MPIE ba utilizasaun dadus produtu LiDAR. IPG prontu atu kolabora hodi fo treinamentu ba staff tekniku MPIE.

  5.      Atu responde ba perkupasaun Dadus LiDAR neebe too agora sidauk Entrega, IPG prontu halo Karta ida atu entrega dadus nee ba Ministerio MPIE liu husi Ministerio MOF.

  6.      Presija asigura dadus LiDAR neebe maka iha tempu oin mai labele spalha ba iha instituisaun Privadu, Dadus LiDAR labele Entrega ba Intiuisaun Privadu no Labele fo’o ou entrega Raw data ba instituisaun sira seluk.

Note: Durante Enkontru Ekipa Tekniku Halo mos Filmajen. Archivu iha IPG.

 DOKUMENTASAUN